महालक्ष्मी लाइफ इन्स्योरेन्स कम्पनीमा बिमा गराएकाहरुले असार ३१ गतेसम्म प्रिमियम तिरे चैतयताको सबै जरिवाना छुट हुने भएको छ । कम्पनीले बिमालेखको प्रिमियम तिर्न ढिला भएकाहरूलाई असार ३१ गतेभित्र प्रिमियम तिर्दा शतप्रतिशत जरिवाना छुट गर्ने निर्णय गरेको हो ।

कोरोनाभाइरस रोकथाम तथा नियन्त्रणका लागि सरकारले गरेको लकडाउनको कारण परेको अप्ठयारो परिस्थितिलाई मध्यनजर गर्दै उक्ति निर्णय गरिएको कम्पनीका प्रमुख कार्यकारी अधिकृत रमेशकुमार भट्टराईले जानकारी दिए । उनका अनुसार असार ३१ गतेभित्र नवीकरण बिमाशुल्क भुक्तानी गरेमा चैत ११ गतेदेखिको बिलम्ब शुल्कमा पूरै छुट दिइनेछ ।

प्रकाशित समय ११:५४ बजे