काठमाडौं– ज्योति विकास बैंकले थप तीन ठाउँमा एटीएम सेवा सुरु गरेको छ । बैंकले काठमाडौंको पेप्सिकोला, नेपालटार र विराटनगरमा एटीएम सेवा सुरु गरेको हो ।

यससँगै बैंकको एटीएम काउन्टर १७ स्थान पुगेको छ । हालैमात्र बैंकले एससीटी कार्डलाई प्रतिस्थापन गरी भिसा डेबिट कार्ड प्रयोगमा ल्याएको छ । हाल बैंकले ५४ वटा शाखा कार्यालयबाट सेवा प्रदान गरिरहेको छ । यसै वर्ष थप पाँचवटा नयाँ शाखा र पाँचवटा एटीएम सञ्चालनमा ल्याउने बैंकले जनाएको छ ।

प्रकाशित समय १५:४० बजे