एभरेष्ट बैंकको मुख्य कार्यालय लाजिम्पाटका दुई जना कर्मचारीमा कोरोना संक्रमण देखिएपछि केन्द्रीय कार्यालय र एउटा शाखा दुई दिनका लागि बन्द गरिएको छ ।

सोमबार र मंगलबार बन्द भएपछि बुधबारदेखि नियमित रुपमा मुख्य कार्यालयबाट सेवा सुचारु हुने बैंकले जनाएको छ । ‘शनिबार लाजिम्पाटस्थित सबै कर्मचारीको पीसीआर परीक्षण गराउँदा दुई जना कर्मचारीमा पोजिटिभ देखिएको थियो । आइतबार बैंकको सो कार्यालय ‘डिसइन्फेक्टेड’ गरिएकाले दुई दिनका लागि सेवा बन्द गरिएको बैंकले जनाएको छ ।

मुख्य कार्यालय बन्द भए पनि बैंकको अरु शाखा कार्यालयबाट हुने सेवा नियमित रहेको र कुनै अवरोध नभएको बैंकले जानकारी दिएको छ ।

प्रकाशित समय १३:०९ बजे