राष्ट्रिय फुटबल टिमका युवा खेलाडी नवयुग श्रेष्ठले बनेपा–८, काभ्रेमा रहेको शिक्षा सदन माध्यमिक विद्यालयलाई फुटबल सामग्री हस्तान्तरण गरेका छन् । फुटबलर श्रेष्ठले पुष्पतारा केडिया सेवा संस्थाद्वारा आयोजित एवं वृज सिमेन्ट इन्डस्ट्रिजले प्रायोजन गरेको फुटबल सामग्री विद्यालयलाई हस्तान्तरण गरेका हुन् ।

नवयुग श्रेष्ठ एक वर्षदेखि वृज सुपर प्रिमियिम ओपिसी सिमेन्टको ब्रान्ड एम्बेसडरका रुपमा आबद्ध छन् । विद्यालयका प्रधानाध्यापक पुकार कर्णजितले विद्यार्थीको चौतर्फी विकासका लागि शिक्षाको साथसाथै सह(क्रियाकलाप अझ खेलकुद महत्वपूर्ण रहेको बताए । ‘निजी क्षेत्रबाट हुने यस किसिमका सहयोगले खेलकुदमा लाग्ने युवालाई हौसला मिल्नेछ,’ उनले भने ।

संस्थागत सामाजिक उत्तरदायित्वअन्तर्गत वृज सिमेन्टले पहिलो चरणमा शिक्षा सदन माविलार्इ छनोट गरेको सिनियर ब्रान्ड म्यानेजर अमित श्रेष्ठले जानकारी दिए । ‘आगामी दिनमा देशका अन्य क्षेत्रमा पनि यस्ता कार्यक्रम लैजान्छौं,’ उनले भने ।

प्रकाशित समय १०:२९ बजे