काठमाडौं– नेपाल धितोपत्र बोर्डले नेसनल लाइफ इन्स्योरेन्सलाई ६० प्रतिशत हकप्रद सेयर निष्कासन अनुमति प्रदान गरेको छ । बोर्डले शुक्रबार ९९ करोड ३६ लाख रुपैयाँबराबरको ९९ लाख ३६ हजार कित्ता सेयर निष्कासन गर्न अनुमति दिएको हो । हकप्रद बिक्रीका लागि कम्पनीले एस क्यापिटललार्इ सेयर बिक्री प्रबन्धक तोकेको छ । इन्स्योरेन्सले चुक्तापुँजी बढाउन हकप्रद निष्कासन गर्न लागेको हो । हाल कम्पनीको चुक्तापुँजी एक अर्ब ६६ करोड ४१ लाख रुपैयाँ छ । ६० प्रतिशत हकप्रदपश्चात कम्पनीको पुँजी २ अर्ब ६६ करोड नाघ्नेछ ।

प्रकाशित समय १५:०१ बजे