शैक्षिक क्षेत्रमा थप टेवा पुर्‍याउने हेतुले सानिमा बैंकले टिच फर नेपाललाई १० लाख सहयोग गरेको छ । विगतमा प्रदान गर्दै आएको सहयोगलाई सानिमा बैंकले निरन्तरता दिएको छ ।

नेपालका सरकारी विद्यालयमा पढ्ने विद्यार्थीलाई गुणस्तरीय शिक्षा प्रदान गर्ने उद्देश्यका साथ सात वर्षअघि टिच फर नेपाल स्थापना भएको हो । टिच फर नेपालका तर्फबाट हाल १३८ जना शिक्षक विभिन्न सात जिल्लाका ६४ सामुदायिक विद्यालयमा कार्यरत छन्, जसबाट १० हजारभन्दा बढी विद्यार्थी प्रत्यक्ष लाभान्वित भएका छन् ।

सानिमा बैंकको प्रधान कार्यालय नक्सालमा आयोजित एक कार्यक्रमबीच बैंकका प्रमुख निक्षेप अधिकृत सरोज गुरागाईं र टिच फर नेपालका प्रमुख कार्यकारी अधिकृत स्वस्तिका श्रेष्ठले सम्झौता पत्रमा हस्ताक्षर गरे । सानिमा बैँकले आठ वर्षदेखि संस्थागत सामाजिक उत्तरदायित्वअन्तर्गत उपत्यकाबाहिरका शाखाबाट विपन्न वर्गका विद्यार्थीलाई शैक्षिक छात्रवृत्ति प्रदान गर्दै आएको छ । सानिमा बैंकका देशका सातवटै प्रदेशमा ७९ वटा शाखा, ९ एक्सटेन्सन काउन्टर र ८१ वटा एटिएम छन् ।

प्रकाशित समय १४:५० बजे