माछापुच्छ्रे बैंकले नेपालमै पहिलो पटक वि च्याट वालेटको भुक्तानी सेवा भित्र्याएको छ । नयाँ प्रविधिहरु भित्र्याउन अग्रसर माछापुच्छ्रे बैंकले नेपालमा आउने चिनिया पर्यटकलाई लक्षित गरी वि च्याट वालेटबाट हुने भुक्तानी स्वीकार गर्न यो सेवा शुभारम्भ गरेको हो ।

सम्झौतासँगै नेपाल आउने पर्यटकले माछापुच्छ्रे बैंकसँग आबद्ध मर्चेन्टहरुबाट वस्तु तथा सेवा खरिद गरेबापत भुक्तानी गर्नुपर्ने रकम क्यूआर कोड स्क्यान गरी वि च्याट वालेटबाट भुक्तानी गर्न सक्ने भएका छन् । माछापुच्छ्रे बैंकले फर्स्ट टेक्नोलोजी प्रालिसँगको सहकार्यमा वि च्याट वालेट सञ्चालनमा ल्याएको हो ।

स्थापना कालदेखि नै नयाँ-नयाँ प्रविधिमा आधारित सेवा सुविधा ग्राहकमाझ ल्याउन कटिबद्ध रहेको माछापुच्छ्रे बैंकले देशभर १५९ वटा शाखा, १३४ शाखारहित बैकिङ सेवासमेत गरी २९३ स्थानमा रहेका सेवा सञ्जाल र १९८ वटा एटीएम तथा १ हजारभन्दा बढी पिओएस मेसिनबाट बैंकिङ सेवा दिइरहेको छ ।

प्रकाशित समय १९:१३ बजे