सिटी एक्सप्रेस मनी ट्रान्स्फरले देश विदेशमा रहेका टिकटक प्रयोगकर्ताहरुका लागि ‘सिटी एक्सप्रेस गल्बन्दी टिक-टक च्यालेन्ज’को आयोजना गरेको छ । लोकप्रिय गायक प्रकाश सपुतको निकै चर्चित ‘गल्बन्दी’ गीतको मुख्य प्रायोजक रहेको सिटी एक्सप्रेसले फेरि सोही गीत स्मरण गराउदै सिटी एक्सप्रेस गल्बन्दी टिक-टक च्यालेन्जको आयोजना गरेको छ ।

सो च्यालेन्जमा सहभागी हुनेमध्ये प्रथम, द्वितिय तथा तृतीय उत्कृष्ट भिडियोले क्रमशः १५, १०, र ५ हजार नगद पुरस्कार पाउने छ । साथै छनोटमा परेका उत्कृष्ट १० भिडियोलाई ५ सय रुपैयाँ बराबरको मोबाइल टपअप प्रदान गरिनेछ । भिडियो यही असोज १४ गतेसम्म पोस्ट गरिसक्नु पर्नेछ जसको नतिजा असोज २० गते प्रकाशन गरिनेछ ।

सिटी एक्सप्रेसले रेमिट्यान्स क्षेत्रमा आफ्नो छुट्टै पहिचान बनाउदै विगत १४ वर्षदेखि कोरिया, जापान, साउदी, कतार, कुवेत, मलेशिया, अष्ट्रेलियालगायत संसारभरबाट विप्रेषण सेवा प्रदान गर्दै आइरहेको छ । आन्तरिक विप्रेषणअन्तर्गत सिटी एक्सप्रेसका देशभर छरिएर रहेका १० हजारभन्दा बढी भुक्तानी केन्द्रमार्फत छिटो, सहज र सुरक्षित तरिकाले भुक्तानी प्रदान गर्ने, कुनै पनि बैंकको खातामा रकम जम्मा गर्ने र मोबाइल वालेटमा लोड गर्न सकिनेजस्ता सुविधाहरु प्रदान गर्दै आइरहेको छ ।

प्रकाशित समय १९:०३ बजे