विभिन्न चमत्कारिक फाइदायुक्त निक्षेप योजनाहरु सञ्चालन गर्दै आइरहेको एनआइसी एशिया बैंकले ‘डबल डिपोजिट’ मुद्दति निक्षेप योजना ल्याएको छ । गतिशील बैंकिङ अभ्यासद्वारा ग्राहककेन्द्रित आकर्षक योजनाहरु पस्किने क्रममा ग्राहकहरुको आवश्यकता, चाहना र समयअनुरुप यस योजना ल्याएको बैंकले जनाएको छ ।

बैंकले समयको मागलाई उचित पहिचान गर्दै दीर्घकालीन रुपमा लगानी गरी उच्च र आकर्षक प्रतिफल चाहने व्यक्तिगत र संस्थागत दुवै निक्षेपकर्ता ग्राहकहरुको लागि यो योजना ल्याएको छ । यस योजनाअन्तर्गत व्यक्तिगत निक्षेपकर्ताको हकमा सुरुमा ‘डबल डिपोजिट’ मुद्दति निक्षेप योजनामा जम्मा गरेको रकम ७ वर्ष ७ महिनाको अवधिमा डबल हुनेछ भने संस्थागत निक्षेपकर्ताको हकमा जम्मा गरेको ८ वर्ष ८ महिनाको अवधिमा रकम डबल हुनेछ । यो योजनामा सहभागी हुनको लागि न्यूनतम रकम १० हजार रुपैयाँ रहेको छ ।

‘डबल डिपोजिट’ मुद्दति निक्षेप योजनाको समयअवधि सकिएपछि प्राप्त हुने दोब्बर रकममा नियमअनुसार सम्पूर्ण आयकर कट्टा भइसकेको हुनाले ग्राहकहरुले दोब्बर रकम नै प्राप्त गर्नेछन् । उक्त निक्षेप अवधिको अन्त्यमा प्राप्त हुने दोब्बर रकम कर कट्टा भएपश्चात रहेकाले ग्राहक महानुभावहरुले थप फाइदा पुग्ने बैंकले विश्वास लिएको छ । यस योजनाअन्तर्गत ग्राहकहरुले उक्त मुद्दति निक्षेप खातामा रहेको रकमको ९० प्रतिशतसम्म कर्जा सुविधासमेत लिन सकिने व्यवस्था रहेको छ ।

यस योजना दीर्घकालीन रुपमा लगानी गर्न इच्छुक ग्राहकहरुको लागि स्वर्णिम अवसर बन्ने र ग्राहकहरुको अहिलेको आवश्यता अनुसारको रहेको यस मुद्दति निक्षेप योजनालाई ग्राहकहरुले रुचाउने बैंकको विश्वास छ । यस योजनाअन्तर्गत दीर्घकालीन लगानी गर्न इच्छुक ग्राहकहरूले आफूलाई सहज हुने एनआइसी एशिया बैंकको कुनै पनि शाखा कार्यलयमा गई उक्त मुद्दति निक्षेप खाता खोली ‘डबल डिपोजिट’को फाईदा लिन सक्नेछन् ।

प्रकाशित समय १३:५७ बजे