‘स्मार्ट बनौं, डिजिटल बैंकिङ गरौं’ अभियानलाई आत्मासात् गर्दै आएको सनराइज बैँकले सस्तोडिल डट कमसँग सम्झौता गरेको छ । सम्झौताअनुसार सनराइज बैंकको डेबिट तथा क्रेडिट कार्ड प्रयोग गरी सामान खरिदको भुक्तानी गर्दा ग्राहकले क्यास ब्याक पाउनेछन् ।

योजनाअन्तर्गत सनराइज बैंकका ग्राहकले बैंकको डेबिट तथा क्रेडिट कार्ड प्रयोग गरी सामान खरिद गर्दा तोकिएको अवधिमा ग्राहकले गर्ने पहिलो भुक्तानी रकमको २५ प्रतिशत वा अधिकतम् २ हजार पाँच सय रुपैयाँसम्म रकम बैंकले क्यास ब्याक प्रदान गर्नेछ । यो योजना २६ मंसिरदेखि ३० मंसिर २०७७ सम्म रहने र क्यास ब्याक रकम योजना समाप्तिपश्चात प्रदान गरिने बैंकले जारी गरेको विज्ञप्तिमा उल्लेख छ ।

कोभिड १९ को वर्तमान परिप्रेक्ष्यमा ल्याइएको यो योजनाले नगद कारोबारको सट्टामा डिजिटल कारोबारलाई प्रोत्साहित गर्दै नगदमार्फत हुनसक्ने सम्भावित संक्रमणको जोखिमलाई समेत न्यूनीकरण गर्ने बैंकको विश्वास छ ।

प्रकाशित समय १०:५८ बजे