ग्लोबल आईएमई बैंकको नायव प्रमुख कार्यकारी अधिकृतमा महेश शर्मा ढकाल नियुक्त भएका छन् । बैंकमा असोज २५ गतेदेखि कार्यभार सम्हालेका ढकाल यसअघि मेगा बैंकमा सिनियर डेपुटी जनरल म्यानेजरको रुपमा कार्यरत थिए ।

अर्थशास्त्रमा स्नातकोत्तर ढकाल चार्टर्ड एकाउन्टेन्टसमेत हुन् । बैंकिङ क्षेत्रमा १८ वर्षभन्दा लामो अनुभव संगालेका ढकाल तत्कालीन टुरिजम डेभलपमेन्ट बैंक र सिद्धार्थ डेभलपमेन्ट बैंकमा प्रमुख कार्यकारी अधिकृतको रुपमा कार्यरत रहिसकेका छन् । नेपाल बैंकमा डेपुटी जनरल म्यानेजरका साथै केही समय व्यवस्थापन समूहको संयोजकको रुपमा समेत उनी कार्यरत थिए ।

तत्कालीन कर्मज एन्ड ट्रस्ट बैंकमा समेत कार्यरत रहिसकेका ढकालसँग विभिन्न संघसंस्थाको सञ्चालक समितिमा रहेर काम गरेको अनुभवसमेत छ । नवनियुक्त नायब प्रमुख कार्यकारी अधिकृत ढकाल हाल नेपाल चार्टर्ड एकाउन्टेन्ट संस्थाको पार्षदसमेत छन् ।

प्रकाशित समय १९:२७ बजे