गृहपृष्ठ बैंक अफ काठमाडौं आइएमई पे वालेटमा आबद्ध
बैंक अफ काठमाडौं आइएमई पे वालेटमा आबद्ध
आइएमई पे का सेवाग्राहीले अबदेखि बैंक अफ काठमाडौं लिमिटेडको खातामा लिंक गरी आइएमई पे वालेटमा सिधै रकमान्तर गर्न सक्ने भएका छन् । बैंक अफ काठमाडौंले सेवाग्राहीलाई आइएमई पे वालेटमा बैंक खाता लिंक गर्नेलगायत बैंक खाताबाट वालेट र वालेटबाट बैंक खातामा रकम जम्मा गर्ने जस्ता सेवा उपलब्ध गराउनेछ । साथै, बैंक अफ काठमाडौंका सेवाग्राहीले ‘आइएमई पे’ मा उपलब्ध रिचार्ज, मनी ट्रान्सफर र क्यु आरमार्फत गरिने भुक्तानी सेवा पनि प्राप्त गर्नेछन् ।
आइएमई ग्रुपद्वारा प्रवर्धित ‘आइएमई डिजिटल’ र बैंक अफ काठमाडौंबीच ‘आइएमई पे’ मोबाइल मनीमार्फत विविध मोबाइल वित्तीय सेवा उपलब्ध गराउने कार्य सुरु भएको छ । बैंक अफ काठमाडौं ‘आइएमई डिजिटल’ को बैंकिङ साझेदार संस्था हो ।
१६ हजारभन्दा बढी एजेन्ट आउटलेट सञ्जाल भएको आइएमई पे आईएमई समूहअन्तर्गतको डिजिटल वित्तीय सेवा प्रदायक कम्पनी हो । आईएमई डिजिटलले बैंकको सुविधाबाट वञ्चित तथा न्यून बैंकिङ सुविधा प्राप्त नेपालीलाई वित्तीय सेवाको पहुँच उपलब्ध गराएर नेपालको वित्तीय समावेशीकरणमा योगदान पुर्याउने लक्ष्य लिएको आइएमईद्वारा जारी विज्ञप्तिमा उल्लेख छ ।
प्रकाशित समय १२:५६ बजे

















