काठमाडौं

एनआईसी एसिया बैंकले क्यानडाको रेमिटवेयर पेमेन्ट कम्पनीसँग रेमिट्यान्स सम्झौता गरेको छ ।

यो सम्झौतासँगै क्यानडा र यूएईबाट रेमिट्यान्स भित्र्याउन सहज भएको बैंकले जनाएको छ । ति देशमा रहेका रेमिटवयेर पेमेन्टका एजेन्टमार्फत पठाएको रेमिट्यान्स एनआइसी एसिया बैंकका जुनसुकै शाखाबाट प्राप्त गर्न सकिनेछ ।

साथै मुलुकभर रहेका ५ हजार ५ सयभन्दा बढी सहायक प्रतिनिधिहरु मार्फत सरल र सुलभ रुपमा भुक्तानी पाउन सकिने छ ।

बैंकका हाल मुलुकभर २ सय शाखा कार्यालयहरु, २ सय एटिएम, ५ वटा एक्स्टेन्सन काउन्टर एवं ६ वटा शाखारहित बैंकिङ्ग सेवा संचालनमा छन् ।

बैंकको वासलातको आकार १५८ अर्ब भन्दा बढि पुगेको छ भने बैंकको कुल कर्जा करिब १०९ अर्ब र कुल निक्षेप करिब १३३ अर्ब पुगेको छ ।

यो सँगै वासलात, कुल कर्जा तथा कुल निक्षेपको आकारको हिसाबले निजी लगानीमा स्थापित बैंकहरुमध्ये एनआइसी एसिया अग्रणी स्थानमा छ ।

प्रकाशित समय ०८:२७ बजे