नेपाल सुनचाँदी व्यवसायी महासंघले आइतबारदेखि सुनको मूल्य प्रकाशित गरेको छ । सरकारले आर्थिक क्रियाकलाप खुकुलो बनाउने निर्णय गरेसँगै सुनचाँदीको मूल्य प्रकाशित गरेको महासंघले जनाएको छ ।

महासंघले आजका लागि छापावाल सुनको मूल्य तोलाको ८७ हजार चार सय रुपैयाँ तोकेको हो । तेजाबी सुनको मूल्य तोला भने ८६ हजार नौ सय ६० रुपैयाँमा कारोबार भइरहेको महासंघले जनाएको छ । असली चाँदी प्रतितोला नौ सय २५ रुपैयाँमा कारोबार भइरहेको छ ।

कोरोना महामारीका कारण गत चैत ११ गतेदेखि सरकारले देशभर लकडाउन घोषणा गरेको अघिल्लो दिनदेखि नै नेपालमा सुनचाँदी कारोबार बन्द भएको थियो ।

प्रकाशित समय १५:५५ बजे