लकडाउनका कारण ठप्प भएको कारोबार ब्युँताउन व्यवसायीले सवारी साधनमा ग्राहक आकर्षित गर्न बम्बर छुट योजना ल्याएका छन् । नोवेल कोरोनाभाइरस (कोभिड १९) को रोकथाम तथा नियन्त्रणका लागि सरकारले चैत ११ गतेदेखि गरेको लकडाउन असार लागेसँगै खुकुलो पारेपछि व्यवसायीले ग्राहक तान्न आकर्षक योजना ल्याएका हुन् ।

मारुती सुजुकीको आधिकारिक वितरक सिजी मोटोकर्पले लकडाउनका कारण मानिसको आम्दानी घटेको भन्दै २५ प्रतिशत डाउन पेमेन्टमा कार किन्न सक्ने योजना ल्याएको छ । यो अफर मारुती सुजुकीको स्विफ्ट कारमा उपलब्ध हुने कम्पनीले जनाएको छ ।

नेपालमा स्विफ्टका दुई भेरियन्ट भिएक्सआई र जेडएक्सआई मोडल उपलब्ध छन् । भिएक्सआईको बजारमूल्य २९ लाख ९९ हजार छ भने जेडएक्सआईको बजारमूल्य ३२ लाख ९९ हजार रुपैयाँ छ । यी कारमा पनि कम्पनील् १ लाख रूपैया नगद छुट दिएको छ ।

प्रकाशित समय १३:३१ बजे