साताको दोस्रो दिन सोमबार सेयर बजार दोहोरो अंकले घटेको छ ।

सेयरबजार परिसूचक नेप्से १२.८४ अंकले ओरालो लागेर १ हजार २ सय ९२.८४ अंकमा बन्द भएको हो । ‘क’ वर्गका कम्पनीहरुको कारोबार मापन गर्ने सेन्सेटिभ परिसूचक पनि २.६४ ले घटेर २ सय ७५.४८ अंकमा बन्द भएको छ ।

कूल १ सय ७१ कम्पनीको २१ लाख ७६ हजार ३ सय ७० कित्ता सेयर ८ हजार ४ सय ४७ पटकको कारोबारबाट कुल ६९ करोड ८७ लाख ३९ हजार ७ सय ६ रुपैयाँमा खरिदबिक्री भएको छ ।

सोमबार कारोबारमा आएका सबै समूहको परिसूचक घटेको हो ।

प्रकाशित समय १६:१६ बजे