सेयर बजार परिसूचक (नेप्से) को वृद्धिले आइतबार पनि निरन्तरता पाएको छ । गत साताको अन्तिम दिन बिहीबार बढेर बन्द भएको सेयर बजार वृद्धिले आइतबार पनि निरन्तरता पाएको हो ।

नेप्सेमा सूचीकृत बैंक, होटल, विकास बैंक, जलविद्युत, वित्त, निर्जीवन बिमा कम्पनी र लघुवित्त समूह उकालो लागेपछि समग्र बजार परिसूचक ८.५९ अंकले बढेर ११९०.२८ अंकमा पुगेको छ । उत्पादनमूलक, अन्य र जीवन बिमा समूह नकारात्मक रहे पनि त्यसको असर नेप्सेको वृद्धिमा परेन ।

नेप्सेसँगै कारोबार रकम पनि बढेको छ । आइतबार नेप्सेमा सूचीकृत १६४ कम्पनीको ३० करोड २५ लाख रुपैयाँबराबरको ९ लाख ६० हजार ७ सय १४ कित्ता सेयर किनबेच भएको छ । बढेको बजारमा ८८ वटा कम्पनीका लगानीकर्ताले कमाएका छन् । एनआईसी एसिया बैंक, तिनाउ डेभलपमेन्ट बैंक, भार्गव विकास बैंक, गण्डकी विकास बैंकलगायत कम्पनीका लगानीकर्ताले धेरै कमाए ।

प्रकाशित समय १७:१५ बजे