अन्तर्राष्ट्रिय पर्यटनमा यो वर्ष ६० देखि ८० प्रतिशतसम्म गिरावट आउने अनुमान गरिएको छ । संयुक्त राष्ट्रसंघअन्तर्गतको विश्व पर्यटन संगठन (युएनडब्लुटीओ) ले कोरोनाभाइरस संक्रमणका कारण पर्यटक आवागमनमा उच्च दरमा कमी आउने प्रक्षेपण गरेको हो ।

यो वर्षको पहिलो चौमासिकमै पर्यटकको संख्यामा २२ प्रतिशतले कमी आएको पनि संगठनले जनाएको छ । कोरोना संक्रमणका कारण पृथ्वीका दसौँ लाख जीवजन्तुसमेत खतरामा रहेको र यसले दिगो विकास लक्ष्य (एसडिजी)लाई असर गर्ने देखिएको संयुक्त राष्ट्र संघले जनाएको छ ।

‘रोजगारीका धेरै अवसर दिएको पर्यटन क्षेत्रमा कार्यरत दसौँ लाख मानिसको रोजगारी संकटमा परेको छ,’ युएनडब्लुटिओका महासचिव जुराव पोलोलिकास्मिलीले भनेका छन् ।

कोरोनाभाइरसबाट सबैभन्दा धेरै एसिया प्रशान्त क्षेत्र र युरोपलगायतका देशमा प्रभाव परेको देखिएको छ । कोरोनाभाइरसको प्रभाव बढी परेकै क्षेत्रमा पर्यटन व्यवसायले ठूलो क्षति भोग्नुपरेको छ ।

प्रकाशित समय १९:५७ बजे