दुई दशक भन्दा बढी समयदेखि सुर्खेतलगायत कर्णाली प्रदेशको कला संस्कृतिको संरक्षण गर्दै आएको बागीना समूह सुर्खेतले मंसिर २७ गते बागीना साँझको आयोजना गर्ने भएको छ ।

बागीना साँझको बारेमा मंगलबार पत्रकार सम्मेलन गरी जानकारी दिइएको छ । पछिल्लो समय सुर्खेतमा सांगीतिक माहोल सुनसान हुँदै गएको भन्दै बागीनाले सांस्कृतिक जागरण ल्याउने उदेश्यले कार्यक्रम गर्न लागेको बागीना समुहका अध्यक्ष गोबिन्द काइरालाले जानकारी दिए ।

२७ गते साँझ ५ बजेदेखी २ घण्टाभन्दा बढी समय सञ्चालन हुने कार्यक्रममा बागीनाको प्राङ्गणमा खुल्ला रुपले प्रस्तुति हुने संयोजक नन्दा बस्यालले जानकारी दिईन् । कर्णाली प्रदेशकमा मुख्यमन्त्री , मन्त्री , सांसद लगायत अन्य बिशिष्ट व्यक्तिहरु उपस्थित हुने कार्यक्रममा यस क्षेत्रका विभिन्न भेषभुषा जातजापतका पहिचान झल्कने मौलिक नृत्य प्रर्दशन गरिने संयोजक बस्यालले बताइन् ।

कार्यक्रममा सुर्खेतबाट राष्ट्रिय स्तरसम्म परिचित कलाकारहरु गायिका टिका पुन, शिव संगीत, मोडल दिपाशा बिसी हास्यकलाकार संध्या बुढा (काउली बुढी) लगायतको प्रस्तुती रहने संयोजक बस्यालले जानकारी दिइन् ।

प्रकाशित समय १७:१७ बजे