‘सत्तापक्ष र विपक्ष उस्तै–उस्तै
लोभी जाली खेलाडी जस्तै
स्वस्थ खेल त छँदै छैन
जुन खेल पनि जित्नैपर्ने
जाली झेली जुवाडेजस्तै’

नेपाली कांग्रेसका नेता तथा पूर्वमन्त्री चिरञ्जीवी वाग्लेले एकसाथ दुई पुस्तक सार्वजनिक गरेका छन् । शनिबार उनले एक कार्यक्रमका बीच ‘उज्यालोतिरको यात्रा’ र ‘नेपाली साहित्य : मेरो दृष्टि’ सार्वजनिक गरेका हुन् ।

नेपाल प्रज्ञा प्रतिष्ठानमा आयोजित कार्यक्रममा कांग्रेसका सभापति शेरबहादुर देउवाले पुस्तक विमोचन गरे । ‘नेपाली साहित्य ः मेरो दृष्टि’ पुस्तकमा नेता वाग्लेका विद्यार्थी नेता हुँदादेखिका अनुभव समेटिएका छन् ।

‘उज्यालोतिरको यात्रा’ कविता संग्रहमा नेपाली राजनीतिलाई व्यंग्यात्मक तरिकाले चित्रण गरेका छन् । राजनीतिज्ञ वाग्ले केही समययता लेखन कार्यमा पनि जुटिरहेका छन् । यसअघि पनि वाग्लेका दुईवटा पुस्तक प्रकाशित भएका थिए ।

प्रकाशित समय १९:५१ बजे