संसदीय सुनुवाइ समितिको बैठक १५ मिनेटका लागि स्थगित भएको छ ।

संवैधानिक परिषदले सर्वाेच्च अदालको प्रधानन्यायाधीशमा सर्वाेच्चका न्यायाधीश दीपकराज जोशीलाई सिफारिस गरेपछि त्यसको सुनुवाइका क्रममा समितिको बैठक पटक–पटक अनिर्णीत हुँदै आएको छ ।

सोही क्रममा शुक्रबार बसेको बैठक पनि १५ मिनेटका लागि स्थगित भएको छ । १५ मिनेटपछि बैठक सुरु भएपछि जोशीलाई भावी प्रधान्यायाधीशमा नियुक्त गर्ने कि नगर्ने भन्ने विषयमा मतदान हुने भएको छ ।

संवैधानिक परिषदले सिफारिस गरेका व्यक्तिलाई संसदीय सुनुवाइ समितिले सुनुवाइ गर्ने संवैधानिक व्यवस्था छ । परिषदले सिफारिस पश्चात सुनुवाइ समितिको दुई तिहाई बहुमतले अस्वीकार नगरेमा सिफारिस सदर हुने संवैधानिक व्यवस्था छ ।

प्रकाशित समय १३:३५ बजे