बहुक्षेत्रीय प्राविधिक तथा आर्थिक सहयोगका लागि बङ्गालका खाडी राष्ट्रहरुको प्रयास  बिमस्टेक १८ बुँदे काठमाडौं घोषणापत्र जारी गर्दै सकिएको छ । बिहिबार र शक्रबार दुई दिन काठमाडौंको होटल सोल्टीमा सम्मेलन भएको हो ।

सम्मेलनकाे समापनमा प्रधानमन्त्री ओलीले बिमस्टेकको अध्यक्षता श्रीलङ्कालाई हस्तान्तरण गरेका छन् । प्रधानमन्त्री ओलीले बिमस्टेकको अध्यक्षता श्रीलङ्काका राष्ट्रपति मैत्रीपाला सिरिसेनालाई हस्तान्तरण गरेका हुन् ।

सम्मेलन सकिनु अघि सदस्य राष्ट्रका प्रमुखहरुबीच राजनीतिक संवाद (रिट्रिट) भएको थियो ।

बहुपक्षीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक)मा विद्युत् प्रसारणको अन्तरदेशीय मार्ग बिमस्टेक ग्रिड इन्टरकनेक्सनको समझदारीपत्रमा हस्ताक्षर भएको छ ।

बिमस्टेक राष्ट्रका प्रमुखहरुको रोहबरमा परराष्ट्रमन्त्रीहरुले हस्ताक्षर गरेका हुन् । सम्झौतासँगै बिमस्टेक राष्ट्रबीच विद्युत आदानप्रदानका लागि सहज हुने भएको छ ।

प्रकाशित समय १२:२० बजे