गृहपृष्ठ बेलायतले गर्यो नयाँ तेस्रो गोर्खा बटालियन बनाउने घोषणा
बेलायतले गर्यो नयाँ तेस्रो गोर्खा बटालियन बनाउने घोषणा
सबै भर्ति नेपालबाटै, सेवा अवधि २४ वर्ष
बेलायतले गोर्खा राइफल्सको नयाँ बिग्रेड स्थापना गर्ने घोषणा गरेको छ । ‘थर्ड बटालियन गोर्खा राइफल्स’लाई विशेषज्ञ स्थलसेना (स्पेसलाइज्ड इन्फेन्ट्री बटालियन)का रूपमा स्थापना गर्ने घोषणा बेलायती रक्षा मन्त्रालयले गरेको हो ।
इस्ट इन्डिया कम्पनीसँगको इतिहास जोडिएको थर्ड बलाटियन गोर्खा राइफल्सले दुई वटा विश्वयुद्धदेखि कैयन अन्य सामरिक युद्धमा समेत आफ्नो गौरवपूर्ण इतिहास रचिसकेको छ । नयाँ स्थापना गरिने बटालियनका लागि यसै वर्षदेखि भर्ना सुरु गरिने बेलायतको रक्षामन्त्रालयद्वारा जारी विज्ञप्तिमा उल्लेख गरिएको छ ।
यो थर्ड बटालियन गोर्खा राइफल्समा तत्कालका लागि २७० जनाको सैन्य टुकडी रहनेछ, जुन संख्या बढाएर ४०० सम्म पुर्याइने जनाइएको छ । यी सबै सिपाहीहरू नेपालबाटै भर्ति गरिने जनाइएको छ । नयाँ भर्ति भएका गोर्खाहरूले प्रमोसनसहित गोर्खा ब्रिगेडमा २४ वर्षको पूर्णकालीन सेवा गर्न पाउने बेलायती रक्षामन्त्रालयले घोषणा गरेको छ ।
विशेषज्ञ स्थलसेनाका बटालियनको आवश्यकताबारे सन् २०१५ मा गरिएको समीक्षाअनुसार नयाँ स्थापना गरिने तेस्रो बटालियन रोयल गोर्खा राइफल्सलाई पनि पाँचमध्ये एक बटालियनका रूपमा समोश गरिनेछ । यो बटालियनलाई विश्वका सम्भाव्य क्षेत्रहरूमा विशेषज्ञता र प्रशिक्षणको सीप प्रदान गर्ने गरी परिचालित गरिनेछ ।
नयाँ भूमिका सहित बेलायती रक्षामन्त्रालयले विद्यमान गोर्खा सैनिक युनिटहरूका लागि क्षमता विस्तारको समेत घोषणासमेत गरेको छ, जसमा बेलायतले नेतृत्व गरेको नाटो सैन्यबलमा गोर्खा सैनिकको नेतृत्वका साथै गोर्खा सैनिक इन्जिनियर र ‘सिंग्नल स्क्वार्डन’ सहितको संरचना स्थापना गरिएको विज्ञप्तिमा उल्लेख छ ।
“गोर्खाहरूले आफ्नो बहादुरी र सीपसहित शताब्दिऔंदेखिको सेवा र बलिदानमार्फत आफ्नो उत्कृष्ट प्रतिष्ठा बनाएका छन्,” बेलायती रक्षामन्त्री मार्क ल्यान्कास्टरले भनेका छन्– ‘उनीहरूले संयुक्त अधिकाज्य र बेलायती सेनाका लागि अद्वितीय विशेषज्ञता र अवधारणा ल्याउँछन, जसले विशिष्टीकृत स्थल सैन्य बटालियनका रूपमा रोयल गोर्खा राइफल्सको तेस्रो बटालियन बनाउनका लागि उनीहरू एक आदर्श विकल्प बनेका छन् ।
यो पनि पढ्नु होसः
बेलायतले पूर्वगोर्खा सैनिकको पेन्सन बढायो
प्रकाशित समय १३:४६ बजे