नेपाल कम्युनिष्ट पार्टी (नेकपा) का प्रवक्ता नारायणकाजी श्रेष्ठ ‘प्रकाश’ ले आफ्नो सुरक्षामा खटिएका सुरक्षाकर्मी फिर्ता गर्न अनुरोध गरेका छन् । बुधबार ट्वीट गर्दै उनले आफ्नोभन्दा राष्ट्रको सुरक्षा महत्वपूर्ण हुने पनि उल्लेख गरेका छन् ।

आफूलाई सुरक्षा खतरा महसुस नरहेकाले राज्यको आवश्यकताका लागि कुनै पनि बेला सुरक्षाकर्मी फिर्ता लैजान उनले अनुरोध गरेका छन् । पछिल्लोसमय सीमामा भारतीय अतिक्रमण बढेको र लकडाउनको बेला सीमा नाकामा हुने अवैध प्रवेश रोक्न सुरक्षाकर्मी अपुग भएकाले राजनीतिक दलका नेताहरूको सुरक्षामा खटिएका सुरक्षाकर्मी कटौती गर्ने चर्चा चलिरहेको छ ।

थाहै छ,म पछुवा नियमित प्रयोग गर्दिन।मैले आफुलाई सुरक्षा खतरा महशुष गरेको छैन।राज्य सँयन्त्रले त्यस्तो आँकलन गरेको छ भनेपनि मेरो भन्दा राष्ट्रको सुरक्षा महत्वपुर्ण हुन्छ।त्यसैले राज्यको आवश्यकताकालागि कुनै पनि क्षण फिर्ता लैजान अनुरोध छ।यसबाट राज्यलाई अप्ठेरो परेकोभए क्षमा याचना।

— NKShresthaPrakash (@nksthaprakash) May 13, 2020

प्रकाशित समय १३:४२ बजे