नेपालका लागि चिनियाँ राजदूत होउ यान्छीले सत्तारुढ नेपाल कम्युनिस्ट पार्टी (नेकपा)का नेता झलनाथ खनालसँग भेटवार्ता गरेकी छन् । राजदूत होउले मंगलबार बिहान डल्लु पुगेर पूर्वप्रधानमन्त्री खनाललाई भेटेकी हुन् । खनाल र राजदूत होउबीच करिब ४५ मिनेट कुराकानी भएको थियो ।

राजदूत होउले नेकपाभित्रको शक्ति संघर्षमा चासो राखेको बुझिएको छ । सत्ताको विषयमा नेकपाभित्र विवाद बढेको बेला चिनियाँ राजदूत होउले सक्रियता बढाएकी छन् । यसअघि होउले नेकपाका वरिष्ठ नेता माधवकुमार नेपालसँग पनि भेटवार्ता गरेकी थिइन् । होउको आजको भेटलाई अर्थपूर्ण रूपमा हेरिएको छ ।

नेकपाका कार्यकारी अध्यक्ष पुष्पकमल दाहाल ‘प्रचण्ड’, वरिष्ठ नेता नेपाल, नेता झलनाथ खनाल र वामदेव गौतम पक्षका नेताले प्रधानमन्त्री केपी शर्मा ओलीको राजीनामा मागेपछि पार्टीमा विवाद चर्किएको छ ।

प्रकाशित समय ११:०९ बजे