नेपाल कम्युनिष्ट पार्टी (नेकपा)को स्थायी कमिटीको बैठक सकिएको छ । आइतबार पार्टी मुख्यालय धुम्बाराहीमा बसेको बैठकले स्थायी कमिटीको अर्को बैठक मंसिर २८ गते बस्ने तय गरेको छ । बैठकको अधिकांश समय पार्टीका कार्यकारी अध्यक्ष पुष्पकमल दाहाल ‘प्रचण्ड’ले सम्बोधन गरेका थिए ।

त्यस्तै, मंसिर २५ गतेका लागि तोकिएको केन्द्रीय कमिटी बैठक पुस ५ गतेका लागि सारिएको छ । बैठकमा प्रधानमन्त्री तथा पार्टी अध्यक्ष केपी शर्मा ओली उपस्थित थिएनन् । उनी बैठक सुरु हुने बेला राष्ट्रपति विद्यादेवी भण्डारीलाई भेट्न शीतल निवास पुगेका थिए । विभिन्न कारणले उपस्थित हुन नसकेका केहीबाहेक अन्य सदस्यहरुको बैठकमा उपस्थित थिए ।

आजको स्थायी कमिटी बैठकमा पार्टीको आन्तरिक समस्याबारे छलफल भएको पार्टी प्रवक्ता नारायणकाजी श्रेष्ठ ‘प्रकाश’ले जानकारी दिए । ओलीले स्थायी समितिलाई सम्बोधन गरेर पत्र पठाएका प्रवक्ता श्रेष्ठले जानकारी दिए । सचिवालय सदस्य ईश्वर पोखरेलमार्फत आएको सो पत्रमा प्रचण्डको प्रस्तावलाई औपचारिक रुपमा बैठकमा छलफल गर्न नसकिने ओलीले धारणा राखेका थिए ।

प्रकाशित समय १५:४८ बजे