नेपाल कम्युनिष्ट पार्टी (नेकपा)की नेतृ रामकुमारी झाँक्रीलाई पक्राउ गर्ने महानगरीय प्रहरी अपराध महाशाखाको टोली शंखमुलस्थित उनको निवासमा पुगेको छ । सोधपुछका लागि बोलाउँदा प्रहरीकहाँ झाँक्री नपुगेपछि महाशाखाको टोली झाँक्रीकै निवास पुगेको हो ।

प्रहरी टोली झाँक्रीको निवासमा पुगेपछि नेकपा कार्यकर्ताले नाराबाजी गरेका छन् । उनीहरूले प्रधानमन्त्री ओलीविरुद्ध नाराबाजी गरेका हुन् । उनीहरुले पक्राउ गर्न प्रहरीलाई घर छिर्न दिएका छैनन् ।

राष्ट्रपति विद्यादेवी भण्डारीविरुद्ध दिएको अभिव्यक्तिका विषयमा झाँक्रीलाई मुद्दा चलाउन सत्तापक्षीय नेकपा नेताहरुले प्रहरीमाथि दबाब सिर्जना गरेका छन् । राष्ट्रपति भण्डारीविरुद्ध बोलेपछि झाँक्रीलाई पक्राऊ गर्न प्रधानमन्त्री केपी शर्मा ओलीनिकट अनेम संघले गृहमन्त्री रामबहादुर थापा ‘बादल’लाई ज्ञापनपत्रसमेत बुझाएका थिए ।

प्रकाशित समय १२:२० बजे