गृहपृष्ठ राष्ट्रिय सरोकार तथा समन्वय समितिको पहिलो बैठक, सभापतिको कडा निर्देशन

राष्ट्रिय सरोकार तथा समन्वय समितिको पहिलो बैठक, सभापतिको कडा निर्देशन

संघीय संसद राष्ट्रियसभा अन्तर्गतको राष्ट्रिय सरोकार तथा समन्वय समितिको पहिलो बैठक मंगलबार बसेको छ । समितिकी जेष्ठ सदस्य तारादेवी भट्टको अध्यक्षतामा सिंहदरबारमा समितिको पहिलो बैठक बसेको हो ।

बैठकमा समितिकी जेष्ठ सदस्य भट्टले समितिको कार्यसूचि, कार्यविधि र कार्ययोजना तय गर्न आवश्यक तयारीका लागि सदस्यहरुलाई निर्देशन दिईन् । उनले विषयवस्तुको गहन अध्ययन गरेर प्रस्तुत हुन पनि समितिका सदस्यहरुको निर्देशन दिईन् ।

बैठकमा समितिका सदस्यहरुले समितिको कार्यविधि बनाउन ढिलाइ गर्न नहुनेमा जोड दिए । समितिका सदस्य सुरेन्द्रराज पाण्डेले राष्ट्रियसभालाई प्रभावकारी बनाउने गरी समितिले आफ्नो कामलाई अघि बढाउनुपर्ने बताए ।

सदस्य प्रकाश पन्तले प्रतिनिधिसभाको क्षेत्राधिकार हस्तक्षेप नहुने गरी समितिले आफ्नो कामलाई अघि बढाउनुपर्नेमा जोड दिए । राष्ट्रियसभाको गरिमा कायम हुने गरी समितिलाई सक्रीय बनाउन लाग्नुपर्नेमा उनको जोड छ ।

समितिको कार्य क्षेत्रभित्र तहगत राज्य संरचनाको विकासमा समन्वय, राष्ट्रिय सम्पदा, मानव अधिकार तथा परराष्ट्र सम्बन्ध, सन्धि÷सम्झौताको कार्यान्वयनको अवस्था, समन्यायिक विकासको अवस्था, पछि परेको क्षेत्र, समुदाय, संस्कृति, राष्ट्रिय गौरवका आयोजना, राष्ट्रिय सुरक्षा र संवैधानिक आयोग सम्बन्धी विषय छन् ।

प्रकाशित समय १५:५९ बजे

प्रतिक्रिया दिनुहोस्

सम्बन्धित शीर्षकहरु