नयाँ शक्ति पार्टी नेपालका संयोजक डा. बाबुराम भट्टराईले कञ्चनपुरकी १३ वर्षीया बालिका निर्मला पन्तको बलात्कारपछि हत्याको अनुसन्धानमा लापरबाही गरेको आरोप लागेका एसपी दिल्लीराज विष्ट र प्रहरी निरीक्षक जगदीश भट्टलाई बर्खास्त गर्दैमा राज्यको दायित्व पूरा नहुने बताएका छन् । सरकारले बिहीबार विष्ट र भट्टलाई बर्खास्त गरे लगत्तै संयोजक भट्टराईले सामाजिक सञ्जालबाट त्यस्तो प्रतिक्रिया दिएका हुन् ।

उनले लेखेका छन्, ‘बिरालो बाँधेर श्राद्ध गरेझैं तीन महिना लगाएर केही प्रहरीलाई बर्खास्त गर्दैमा राज्यको दायित्व पूरा हुन्छ ? जानीबुझी प्रमाण नष्ट गर्नु आदि अपराधिक कर्म हैनन् र ? त्यसबापत मुद्दा र दण्ड गर्नुपर्दैन ? प्रमाण नष्ट गर्ने प्रहरी र बम दिदीबहिनी मार्फत किन अपराधी पत्ता लाग्दैन ? दबाब जारी राखौँ ।

बिरालो बाँधेर श्राद्ध गरे झैं तीन महिना लगाएर केही प्रहरीलाई बर्खास्त गर्दैमा राज्यको दायित्व पूरा हुन्छ?जानीबुझी प्रमाण नष्ट गर्नु आदि अपराधिक कर्म हैनन्? त्यसबापत मुद्दा र दण्ड गर्नुपर्दैन?प्रमाण नष्ट गर्ने प्रहरी र बम दिदीबहिनी मार्फत किन अपराधी पत्ता लाग्दैन? दबाब जारी राखौं! https://t.co/yGqn3amxgu

— Baburam Bhattarai (@brb1954) October 25, 2018

गृहमन्त्रालयले बिहीबार राति दुई प्रहरी अधिकारीलाई बर्खास्त गरेसँगै सामाजिक सञ्जालमा सरकारको आलोचना भइरहेको छ । प्रमाण नष्ट गर्ने प्रहरी अधिकारीलाई कानुनी दायरामा ल्याउनु पर्ने आवाज उठिरहेको छ ।

प्रकाशित समय ०७:३२ बजे