समाजमा ब्याप्त बिकृती विसंगती अन्त्यका लागि लायन्स क्लब अफ विराटनगर पाथिभराले आधारभूत विद्यालय कञ्चवारीमा गुड टच र ब्याड टचका विषयमा जानकारी गराएको छ ।

पछिल्लो समय श्रृंखलाबद्ध रुपमा भइरहेको महिला हिंसा र बलात्कारका घटनाको विरुद्ध विद्यालयमा यसखालको कार्यक्रम गरिएको क्लबकी अध्यक्ष अपर्णा दाहालले बताइन् ।

क्लबले विराटनगर राउण्ड टेबल नम्बर पाँचको सहयोगमा उक्त कार्यक्रम गरेको हो । राउण्ड टेबल पाँचले यसअघि पनि विभिन्न विद्यायमा यसखाले कार्यक्रम गरिसकेको छ ।

विशेषगरी राम्रो र नराम्रो नियतको व्यवहार विषयमा प्रशिक्षण दिँदै आएको राउण्ड टेबल पाँचका अध्यक्ष स्वतन्त्र नेवटियाले जानकारी दिए ।

यस प्रकारको कार्यक्रम र प्रशिक्षणबाट विशेषगरि बालिका तथा किशोरीहरुलाई सचेत बन्न मद्दत पुग्ने राउण्ड टेबल पाँचका पब्लिसिटी कन्भेनर सञ्जीव सिग्देलले बताए । राउण्ड टेबलले समय समयमा सामाजिक क्रियाकलापका अतिरिक्त बालबालिकाहरुमा सचेतनाका कार्यक्रमहरुमा जोड दिएको छ ।

प्रकाशित समय १७:०० बजे