प्यासिफिक एसिया ट्राभल एसोसिएसन (पाटा) नेपाल च्याप्टरले लुम्बिनीस्थित बुद्धमाया गार्डेन होटलमा ‘स्मार्ट प्राक्टिसेस फर म्यानेजिङ होटल’ विषयक एक हप्ते मानव संशाधन तथा जनशक्ति विकास तालिम कार्यक्रम सम्पन्न गरेको छ । पाटा नेपाल च्याप्टरद्वारा स्थापित ‘पाटा स्कुल अफ हस्पिटालिटी’ ले नेपाल पर्यटन बोर्ड, रेसिडेन्सी होटल एकेडेमी र बुद्धमाया गार्डेनको सहकार्य तथा सहयोगमा तालिम आयोजना गरेको हो । तालिममा लुम्बिनी क्षेत्रमा रहेका १७ वटा विभिन्न होटल तथा रेस्टुरेन्टबाट ३४ जना होटल व्यवसायी तथा कर्मचारीको सहभागिता रह्यो ।

पाटा स्कुल अफ अस्पिटालिटी पाटा नेटवर्कमा आबद्ध पर्यटन सम्बद्ध शैक्षिक संस्थाहरु, उद्योगी व्यवसायीहरु वा पर्यटन विज्ञहरु, तथा युवा पर्यटन प्रोफेसनलमार्फत नेपाली पर्यटन क्षेत्रको मानव संशाधन विकास तथा जनशक्तिको ज्ञान, सीप र क्षमता अभिवृद्धि गराउने एक व्यावहारिक तथा व्यावसायिक तालिम कार्यक्रम हो ।

पाटा नेपाल च्याप्टरका कार्यसमिति सदस्य एवं पाटा स्कुल अफ अस्पिटालिटीका संयोजक खेम लकाईले तालिम समापन कार्यक्रममा कुनै पनि संस्था र राज्यको विकासमा जनशक्तिको महत्वपूर्ण र सर्वोच्च योगदान रहने बताए ।

प्रकाशित समय ०७:०५ बजे