नेपालगन्जमा बन्दाबन्दीले आर्थिक रूपमा थिलोथिलो भएका व्यापारीले नेपाल राष्ट्र बैंकको निर्देशकलाई ज्ञापन पत्र बुझाएका छन् ।

विश्व महामारीको रूपमा फैलिएको कोरोना भाइरसका कारण भएको बन्दाबन्दीले आर्थिक रूपमा थिलोथिलो भएका व्यापारीहरुको पीडा र त्यसमा पनि अझै (खुद्रा व्यावसाय गर्ने) व्यावसायीहरुको समस्याको विषयमा नेपाल राष्ट्र बैंक नेपालगन्जका निर्देशक मुक्तिनाथ सापकोटालाई ज्ञापनपत्र बुझाएका हुन् ।

अर्थ मन्त्रालय, नेपाल राष्ट्र बैंकले जारी गरेको मौद्रिक नीति (बैंक ब्याजदर, पुनर्कर्जा) लगायतका आर्थिक राहतका विषयमा निर्देशक सापकोटा, उप–निर्देशकद्वय माधव प्रसाद पोख्रेल र राजु पौडेलसँग खुद्रा व्यावसायी संघका (प्रतिनिधिमण्डल) अध्यक्ष शिव प्रसाद दहाल, संस्थापक तथा निवर्तमान अध्यक्ष भीमबहादुर रानाभाट, उपाध्यक्ष हिमनाथ पौडेल, सचिव युवराज काफ्ले र व्यवसायी प्रकाश शर्मासहितको टोलीले छलफल गर्नुका साथै खुद्रा व्यावसायीहरुले भोग्नुपरेका समस्या समेटिएको ज्ञापनपत्र बुझाएको बताएका छन् ।

प्रकाशित समय ११:५१ बजे