एनसेलको प्राइभेट लिमिटेडले नयाँ ‘प्लस’ थिमअन्तर्गत फोरजी ग्राहकका लागि आकर्षक ‘ननस्टप युट्युब’ अफर ल्याएको छ । एनसेलको ‘प्लस’ थिमले नवीन र विशेष सेवाहरुका साथमा ग्राहकलाई जहाँ भए पनि सेवामा पहुँच सुनिश्चित गराउने उदेश्यले ननस्टप युट्युब अफर सार्वजनिक गरेको हो ।

यससँगै एनसेलका सबै फोरजी ग्राहकले अब भिडियो स्ट्रिमिङ प्लेटफर्म युट्युबबाट थोरै मूल्यमा भरपुर फाइदा लिन सक्ने भएका छन् । भिडियो सामग्री हेर्दा धेरै डेटा खपत हुने र शुल्क बढी लाग्ने चिन्ताबाट मुक्त हुँदै ग्राहकले युट्युबको प्रयोग गर्न सक्ने भएका हुन् ।

‘प्लस’ थिमअन्तर्गतको ननस्टप युट्युब अफरमा ग्राहकले १०० (करसहित १२७.६९) रुपैयाँमा एक साता ४८०पी मा युट्युब भिडियो हेर्न सक्नेछन् । यो अफरमा ग्राहकले ४ जिबी फोरजी अल टाइम अल नेटवर्क डेटाको पनि फाइदा लिन सक्नेछन् ।

फोरजी नेटवर्कमा ननस्टप युट्युब र ४ जिबी अल टाइम अल नेटवर्क डेटा सुचारु भएको दिनबाट सात दिनका लागि मान्य रहनेछ । यो प्याक लिने ग्राहकले फेसबुक र टिकटकका लागि सुलभ दरमा छुट्टाछुट्टै आकर्षक प्याक पनि लिन सक्नेछन् ।

ग्राहकले ननस्टप युट्युब प्याक लिएपछि हरेक दिन ५०० एमबीका दरले ७ दिनसम्म २० (करसहित २५.५३) रुपैयाँमा ३५०० एमबी थप डेटाको लिन सक्नेछन् । उक्त डेटा ग्राहकले फेसबुक चलाउन प्रयोग गर्न सक्नेछन् । त्यति नै शुल्कमा टिकटक चलाउन रुचाउने ग्राहकले पनि हरेक दिन ५०० एमबीका दरले सात दिनसम्म ३ हजार ५०० एमबी थप डेटाको मजा लिन सक्नेछन् ।

एनसेलका फोरजी ग्राहकले एस्ट्रिक्स१७१२३ एस्ट्रिक्स१ह्यास डायल गरी प्राप्त निर्देशनअनुसार यो प्याक सजिलै सुरु गर्न सक्नेछन् । सुलभ दरमा गुणस्तरीय सेवा प्रदान गर्ने प्रतिबद्धता अनुरुप एनसेलले आफ्ना फोरजी ग्राहकलाई लक्षित गर्दै यो आकर्षक योजना ल्याएको जनाएको छ । सन् २०१७ मा फोरजी सेवा सञ्चालनमा ल्याएपछि कम्पनीले देशका विभिन्न भागमा सेवाको विस्तार गरेको छ ।

यस अफरअन्तर्गतको ननस्टप युट्युबको फाइदा लिन ग्राहकसँग एनसेल फोरजी सिम कार्ड, फोरजी चल्ने मोबाइल र एनसेलको फोरजी नेटवर्क कभरेजभित्र हुनुपर्छ । थ्रिजी सिम कार्ड फोरजी सिममा अपग्रेड गरी नसकेका ग्राहकले नजिकैको एनसेल सेन्टरमा गएर आफ्नो सिम निःशुल्क अपग्रेड गर्न सक्नेछन् । सिम अपग्रेड गर्ने ग्राहकले थप १ जिबी डे प्याक डेटा निःशुल्क प्राप्त गर्नेछन् ।

प्रकाशित समय १०:५३ बजे