‘बैंक पनि साथी पनि, राम्रो पनि हाम्रो पनि’ भन्ने मूल नाराका गतिशील बैंकिङको अभ्यास गर्दै आएको एनआईसी एसिया बैंकले अनलाइनबाटै खातामा नगर जम्मा गर्न सक्ने सेवा सुरु गरेको छ । ग्राहकले अब जुनसुकै ठाउँबाट मोबाइल वा कम्प्युटरमार्फत www.iserve.nicasiabank.com लिंकमा गई डिजिटल माध्यमबाट भौचर भरी नगद रकम जम्मा गर्न सक्नेछन् ।

लिंकभित्र पुगेपश्चात् सेवाग्राहीले भौतिक फारामकै ढाँचाको डिजिटल भौचर भेट्नेछन् । भौचरमा आफूलाई पायक पर्ने शाखा छनौट गरी आवश्यक विवरण भरिसकेपछि बैंकबाटै सेवाग्राहीले एसएमएसमार्फत डिपोजिट कोड पाउनेछन् । डिपोजिट कोड लिएर सेवाग्राही सिधै बैंकको शाखामा उपस्थित भई बिना कुनै भौचर सोझै नगद काउन्टरमार्फत रकम जम्मा गर्न सक्नेछन् ।

बैंकले ल्याएको अनलाइनबाटै भौचर भर्न सकिने सुविधाले लाइन नबसी सेवा लिनको निमित्त सहयोग पुग्ने बैंकको विश्वास छ । त्यस्तै सेवाग्राहीले काउन्टरमा पुगेर लामो समय लाइनमा बस्नुपर्ने अवस्थाको अन्त्य हुने नायब प्रमुख कार्यकारी अधिकृत एवं प्रमुख सूचना अधिकारी सुधिरनाथ पाण्डेले जानकारी दिए ।

बैंकले यसबाहेक मोबाइल बैंकिङ सेवा नवीकरण, अनब्लक, ब्लक तथा पिन रिसेट गर्ने एवं मौज्दात विवरण, चेक अनुरोध, ई‑कमर्स दर्ता, ब्यालेन्स सर्टिफिकेट अनुरोध, एबिबिएस सुविधा र स्टेटमेन्ट अनुरोध गर्नका लागि पनि निःशुल्क आइसर्भिसमार्फत सेवा दिइरहेको छ ।

देशभर एनआइसी एसिया बैंकका ३२६ शाखा, ४६४ एटिएम, १०१ एक्सटेन्सन काउन्टर र ६१ वटा शाखारहित बैंकिङ इकाइ छन् । बैंकका ग्राहक नै सर्वाधि २१ लाखभन्दा रहेको नायब सिइओ पाण्डेले जानकारी दिए ।

प्रकाशित समय १३:५१ बजे