रिलायन्स फाइनान्सले आफ्ना ग्राहकलाई सगरमाथा इन्स्योरेन्स कम्पनीको सहकार्यमा दुर्घटना बिमासहित १८ प्रकारका घातक रोगको आर्थिक सुरक्षा दिने भएको छ । उक्त सेवा सुविधा फाइनान्सले ल्याएको ‘रिलायन्स स्वावलम्बी बचत खाता’ खोली कारोबार गरेका ग्राहकले प्राप्त गर्नेछन् ।

सो सेवासम्बन्धी सम्झौता पत्रमा इन्स्योरेन्स कम्पनीका प्रमुख कार्यकारी अधिकृत चंकी क्षेत्री तथा फाइनान्सका अनिल श्रेष्ठले हस्ताक्षर गरेका छन् । सम्झौताअनुसार फाइनान्सका ग्राहकका लागि ३ लाख रुपैयाँसम्मको दुर्घटना बिमा तथा एक लाख रुपैयाँसम्मको १८ प्रकारका घातक रोगहरुको बिमा उपचार सुविधा उपलब्ध हुनेछ ।

संस्थाले आफ्नो ११औं बार्षिक दिवसको अवसरमा विभिन्न सरकारी, गैरसरकारी तथा निजी कम्पनीहरुमा कार्यरत कर्मचारीहरु लगायत सर्वसाधारणलाई लक्षित गरेर ‘रिलायन्स स्वावलम्बी बचत खाता’ सञ्चालनमा ल्याएको हो ।

प्रकाशित समय १४:०४ बजे