सानिमा बैंकले आफ्ना बचतकर्ताहरुका लागि ल्याएको दीर्घायु बचत योजनाअन्तर्गत बैंकका बचतकर्ता यादव श्रेष्ठलाई औषधि उपचार बिमा दाबी रकम भुक्तानी गरेको छ । बैंकको न्यूरोड शाखामा दीर्घायु बचत खाता खोलेका श्रेष्ठज्यूले ४७ हजार २३० रुपैयाँको औषधि उपचार बिमा भुक्तानी पाएका हुन् ।

सानिमा बैंकको प्रमुख निक्षेप अधिकृत सरोज गुरागाईंले सुस्वास्थ्य र दीर्घायुको कामना गर्दै उक्त चेक श्रेष्ठलाई हस्तान्तरण गरे । श्रेष्ठलाई सिद्धार्थ इन्स्योरेन्सको सहकार्यमा बिमा रकम भुक्तानी गरिएको हो । दीर्घायु बचत योजनामा ग्राहकहरुले वार्षिक ५ हजार रुपैयाँको निःशुल्क स्वास्थ्य परीक्षण सुविधा, ५ हजार रुपैयाँसम्मको ओपीडी भुक्तानी शुल्कसहित ५० हजारसम्मको औषधि उपचार बिमा (नेपाल र भारतमा गरिने उपचारमा), १० लाखको दुर्घटना बिमा र ३ लाखको ६ घातक रोगहरुको बिमा सुविधा पाउनेछन् ।

प्रकाशित समय १७:५४ बजे