सांग्रिला डेभलपमेन्ट बैंकले नेपाल स्काउट मध्यपुर थिमि स्थानीय परिषदलाई ज्याकेट हस्तान्तरण गरेको छ । एक कार्यक्रमका बीच सांग्रिला डेभलपमेन्ट बैँकका प्रमुख सञ्चालन अधिकृत अपूर्वप्रसाद जोशीले नेपाल स्काउट मध्यपुर थिमिका स्थानीय आयुक्त हरिबहादुर श्रेष्ठलाई ज्याकेट हस्तान्तरण गरेका हुन् । बैँकले संस्थागत सामाजिक उत्तरदायित्वअन्तर्गत नेपाल स्काउट मध्यपुर थिमिका स्वयंसेवकलाई ज्याकेट प्रदान गरेको जनाएको छ ।

सांग्रिला बैँकले बैँकिङ सेवाबाहेक देशभरका ९२ शाखा कार्यालयबाट सामाजिक उत्तरदायित्वअन्तर्गत विभिन्न सामाजिक संस्थालाई सहयोग गर्दै आएको छ ।

प्रकाशित समय १२:२७ बजे