पुतलीसडकस्थित स्टार मलमा ‘ए टु जेड’ अनलाइन बजारको नयाँ शाखा सञ्चालनमा आएको छ । न्युरोडमा ताम्राकार कम्प्लेक्समा मुख्य शाखा रहेको ‘ए टु जेड’ को नयाँ शाखा पुतलीसडकमा खोलिएको हो ।

ग्राहकको चाहना र सुविधालाई मध्यनजर गरी स्टार मलको ग्राउन्ड फ्लोरमा शाखा खोलिएको ‘ए टु जेड’ ले जनाएको छ । ‘ए टु जेड’बाट मोबाइल, ल्यापटप, टेलिभिजनजस्ता इलेक्ट्रोनिक सामग्री खरिद गर्न सकिन्छ ।

आधुनिक प्रविधिसँग रमाउने ग्राहकका साथै घरायसी इलेक्ट्रोनिक्स सामानमा रुचि भएका व्यक्तिले अनलाइनबाटै सामान खरिद गर्न सक्ने ‘ए टु जेड’का अध्यक्ष विकास भण्डारीले जानकारी दिए । अनलाइन बजारले विभिन्न बैंकको सहकार्यमा मासिक किस्ताबन्दीमा पनि इलेक्ट्रोनिक सामान उपलब्ध गराउँदै आएको छ । असोज १ गतेबाट स्टार मलमा सुरु हुने मेलामा पुरानो मोबाइल तथा ल्यापटप साटेर नयाँ मोबाइल, ल्यापटप लिनसक्ने योजना रहेको ‘ए टु जेड’ले जनाएको छ ।

प्रकाशित समय १९:४१ बजे