काठमाडौं- प्रमुख प्रतिपक्षी दल नेपाली काँग्रेसले बजेटले जनतामा कर र ऋणको दायित्व बढाउने निष्कर्ष निकालेको छ । काँग्रेस संसदीय दलको आज बसेको बैठकले सरकारले मंगलबार प्रस्तुत गरेको बजेटमाथि छलफल गर्दै बजेटले कर र ऋणको भार बढाएकाले उत्पादनशील क्षेत्रमा लगानी बढ्न नसक्ने निष्कर्ष निकालेको हो ।

‘बजेटले राष्ट्रिय-अन्तर्राष्ट्रिय लगानीकर्तालाई अाकर्षित गर्न सक्ने देखिँदैन,’ बैठकको निर्णयबारे जानकारी गराउँदै मुख्य सचेतक बालकृष्ण खाणले भने, ‘उत्पादनशील क्षेत्रमा लगानी बढ्न नसक्ने भएकाले नयाँ रोजगारीका अवसर प्राप्त हुने देखिँदैन ।’ सरकारले भने अागामी वर्ष पाँच लाख नयाँ रोजगारी सिर्जना हुने घोषणा गरेको छ ।

प्रकाशित समय १६:२६ बजे