सूर्या लाइफ इन्स्योरेन्स कम्पनीले गत आर्थिक वर्षको चौथौ त्रैमाससम्ममा बिमा शुल्क संकलन १४.३३ प्रतिशतले बढाएको छ । कम्पनीले चौथो त्रैमाससम्ममा २ अर्ब ८४ करोड रुपैयाँ खुद बिमा शुल्क संकलन गरेको छ । अघिल्लो वर्षको सोही अवधि कम्पनीको बिमा शुल्क संकलन २ अर्ब ४८ करोड रुपैयाँ थियो ।

समीक्षा अवधिमा कम्पनीको खुद नाफा २० करोड ८६ लाखबाट बढेर २६ करोड २७ लाख रुपैयाँमा पुगेको छ । गत वर्षको असार मसान्तसम्ममा कम्पनीले ४ हजार २५४ वटा दाबीबापत ४९ करोड ५४ लाख रुपैयाँ भुक्तानी गरेको छ भने ५ लाख २ हजार रुपैयाँबराबरको बिमा दाबी भुक्तानी गर्न बाँकी छ ।

वित्तीय विवरणअनुसार कम्पनीको चुक्ता पुँजी २ अर्ब १५ करोड छ भने जगेडा कोषमा ६६ करोड ८७ लाख रुपैयाँ सञ्चित छ । त्यस्तै, जीवन बिमा कोषमा ७ अर्ब ४२ करोड रुपैयाँ छ । कम्पनीको प्रतिसेयर आम्दानी १२ रुपैयाँ १९ पैसा छ ।

प्रकाशित समय १६:४४ बजे