नेको इन्स्योरेन्स (NIL) ले चालु आर्थिक वर्षको दोस्रो त्रैमाससम्ममा २६ करोड ४० लाख रुपैयाँ खुद नाफा कमाएको छ । यो गत आर्थिक वर्षको सोही अवधिको तुलनामा ६०.१ प्रतिशत अर्थात् ९ करोड ९३ लाख रुपैयाँ बढी हो । गत आर्थिक वर्षको दोस्रो त्रैमाससम्ममा कम्पनीले १६ करोड ४७ लाख रुपैयाँ खुद नाफा आर्जन गरेको थियो ।

कम्पनीको आम्दानी बढेपछि खुद नाफा बढ्न पुगेको हो । चालु आर्थिक वर्षको दोस्रो त्रैमासमा ९४ करोड ४३ लाख रुपैयाँ खुद बिमाशुल्क आर्जन गरेको छ । यो रकम गत आर्थिक वर्षको यसै अवधिभन्दा २३ करोड ४४ लाख रुपैयाँ बढी हो । गत आर्थिक वर्षको पुस मसान्तसम्ममा कम्पनीले ७० करोड ९९ लाख रुपैयाँ खुद बिमाशुल्क आर्जन गरेको थियो ।

यस्तै कम्पनीले पुनर्बिमा कमिशनबाट ११ करोड ७९ लाख रुपैयाँ, लगानी कर्जा तथा अन्य आयबाट ५ करोड ९८ लाख रुपैयाँ आम्दानी गरेको छ । कम्पनीले १ लाख ७४ हजार ७१० वटा बिमालेख जारी गरी १ अर्ब ३६ करोड ४७ लाख रुपैयाँ कुल बिमाशुल्क आर्जन गरेको छ। यस अवधिमा कम्पनीका २६ हजार ६१८ वटा बिमालेखहरु नवीकरण भएका छन् ।

कम्पनीले ३ हजार ३२९ वटा दाबीबापत ४४ करोड १७ लाख रुपैयाँ भुक्तानी गरेको छ भने ४ हजार ९१९ वटा दाबी बापत ८८ करोड १२ लाख रुपैयाँ भुक्तानी गर्न बाँकी छ । चुक्ता पूँजी १ अर्ब ३१ करोड ७४ लाख रुपैयाँ रहेको इन्स्योरेन्सको जगेडा कोषमा ६४ करोड ३२ लाख रुपैयाँ, बिमा कोषमा ९६ करोड ३६ लाख रुपैयाँ र महाविपत्ती कोषमा ९ करोड २५ लाख रुपैयाँ सञ्चित छ । यस अवधिमा कम्पनीको वार्षिक प्रतिसेयर आम्दानी ४० रुपैयाँ ८ पैसा, प्रतिशेयर नेटवर्थ २२९ रुपैयाँ र मुल्य आम्दानी अनुपात ३१.९४ गुणा रहेको छ ।

प्रकाशित समय १८:३१ बजे