जिल्ला प्रशासन कार्यालय धनुषाको परिसरमा प्रभु बैकको ५३ औं एक्सटेन्सन काउन्टर उद्घाटन गरिएको छ ।

प्रमुख जिल्ला अधिकारी प्रदिपराज कणेलले प्रशासन कार्यालय परिसरमा सेवाग्राहीहरुलाई सहजताको लागि प्रभु बैंकको सहयोगमा एक्सटेन्सन शाखाको स्थापना गराएका हुन् ।

प्रभु बैंकका प्रदेश २ निर्देशक मन्त्रीलाल गुप्ताले प्रभु बैंक नेपाल राष्ट्र बैंकबाट ‘क’ वर्गमा मान्यता प्राप्त गरेको ५ वर्षभित्रमा देशभर २०८ शाखा सञ्चालनमा ल्याएको बताएका छन् । प्रभु बैंकले ५३ ठाउँमा एक्सटेन्सनमार्फत् सेवा दिई रहेकोमा सरकारी कार्यालयमा मात्रै ३३ स्थानमा एक्सटेन्सनमार्फत् सेवा दिदै आएको बताए ।

कार्यक्रममा प्रमुख जिल्ला अधिकारी प्रदिपराज कणेलले सिडियो कार्यालयमै एक्सटेन्सनको स्थापनाले गर्दा आर्थिक कारोबार गर्न कार्यालयलाई समेत सहजता हुने बताए ।

कार्यालयमा सेवा लिन आएका सेवाग्राहीलाई थोरै भए पनि सहज आर्थिक कारोबारमा सहजता हुनेछ । सिडियो कार्यालयमार्फत् चाँडै वितरण हुने भनिएको राष्ट्रिय परिचय पत्रको लागिसमेत कार्यालयभित्र नै भवन निर्माणको काम भइरहेको बताए ।

प्रकाशित समय १३:२५ बजे