विश्वव्यापी व्यापारमा आफ्नो प्रभाब वृद्धि गइरहेको चीनले एसिया प्रशान्त क्षेत्रका मुलुकका लागि निर्यात भन्सार कर कटाउने भएको छ । चीनले भारत, दक्षिण कोरियालगायतका एसियाली मुलुकका लागि निर्यात भन्सार कटाउने निर्णय गरेको हो ।

चिनियाँ विदेश मन्त्रालयका प्रेस प्रवक्ता काउ फङले चीनको यो कदमले ‘एसिया प्रशान्त व्यापार सन्धी’का सदस्य मुलुक र चीनबीचको व्यापार वृद्धि हुने बताएको सिआरआइले जनाएको छ । फङका अनुसार यसमध्य पनि भट्मासको निर्यात भन्सार कर ३ प्रतिशतदेखि शून्यसम्म घटाइने भएको छ । भन्सार कर घटाउने निर्णयले सदस्य मुलुकका जनताहरु लाभान्वित हुने समेत फङले बताए ।

यही जुलाई १ देखि कार्यान्वयन हुने यस निर्णयबाट ‘एसिया प्रशान्त व्यापार सन्धी’ का चीन, भारत, दक्षिण कोरिया, श्रीलंका, बंगलादेश तथा लाओसले लाभ पाउने छन् । यी राष्ट्रहरुको कुल जनसंख्या ३ अरबको हाराहारीमा रहेको छ । यो सन्धी दक्षिण–दक्षिण सहयोग प्रबद्र्धनको लागि विकासोन्मुख मुलुकहरुबीच बन्दोबस्त गराइएको सुविधाजनक व्यापार हो ।

रासायनिक तत्व कृषि उत्पादित वस्तु, चिकित्सा, लत्ताकपडा, स्टिल तथा आल्मुनियम उत्पादित बस्तुलाई समावेश गराइएको छ ।

प्रकाशित समय ०९:३४ बजे