सरकारले केही समयअघि स्तरोन्नति गरेका नेपाल–भारत सीमामा रहेका भन्सार कार्यालयमा प्रभु बैंकले काउण्टर खोल्ने भएको छ । पाँचवटा अतिरिक्त भन्सार कार्यालयमा काउण्टर खोलेर बैंकिङ सेवा सञ्चालन गर्नेसम्बन्धी सम्झौतामा बिहीबार एक कार्यक्रमबीच भन्सार विभाग र प्रभु बैंकबीच हस्ताक्षर भएको छ ।

सम्झौतापत्रमा भन्सार विभागका महानिर्देशक रामेश्वर दंगाल र प्रभु बैंकका प्रमुख कार्यकारी अधिकृत अशोक शेरचनले हस्ताक्षर गरेका छन् ।

सम्झौताअनुसार बैंकले रौतहटको गौर, सप्तरीको राजविराज, सिरहाको माडर, सर्लाहीको मलंगवा र धनुषाको जनकपुर/जटही भन्सार कार्यालयमा २०७६ वैशाखदेखि काउण्टर स्थापना गर्नेछ ।

प्रकाशित समय २१:३५ बजे