काठमाडौं– हिमालयन बैंकले बुढानीलकण्ठ नगरपालिकास्थित ‘नेपालमा भएका अनाथ असहाय बाल सुधार संघ’लाई ७५ हजार रुपैयाँ बराबरको सामग्री सहयोग गरेको छ ।

अनाथ र असहाय बालबालिकालाई राख्दै आएको संघलाई बैंकले दुईतले खाट ५ थान सहयोग गरेको हो । बैंकका महाप्रबन्धक सुशील जोशीले उक्त खाटहरु संघका अध्यक्ष प्रकाशकुमार नेपालीलाई हस्तान्तरण गरे ।

बैंकले २५औं वार्षिकोत्सवका अवसरमा संस्थागत सामाजिक उत्तरदायित्व अन्तर्गत सो सहयोग गरेको हो । बैंकले उक्त संस्थामा आश्रय लिएका बालबालिकाहरुलाई सुत्नका लागि उक्त खाटहरु उपयोगी हुने जनाएको छ ।

प्रकाशित समय ०७:५५ बजे