कोरोनाको प्रतिकूल अवस्थाका बीच प्रिमियर इन्स्योरेन्स कम्पनी (नेपाल)ले गत आर्थिक वर्षको चौथो त्रैमासमा उल्लेख्य प्रगति गरेको वित्तीय विवरण सार्वजनिक गरेको छ । कम्पनीले गत वर्षमा ४५.६९ प्रतिशत नाफा आर्जन गरेको विवरण सार्वजनिक गरेको हो । कम्पनीले कोरोना महामारीका बीचमा ११ करोडभन्दा बढी नाफा बढाएको छ ।

अघिल्लो वर्ष कम्पनीले २४ करोड ५६ लाख २३ हजार रुपैयाँ नाफा गरेकोमा गत आवमा ३५ करोड ७८ लाख ७० हजार रुपैयाँ नाफा गरेको हो । कम्पनीको दाबी भुक्तानी घटेको छ । अघिल्लो वर्ष ४८ करोड ९० लाख ५२ हजार रुपैयाँ दाबी भुक्तानी गरेकोमा गत वर्ष ६ करोडले घटेर ४२ करोड ५९ लाख २५ हजार रुपैयाँमा सीमित भएको छ ।

कम्पनीको व्यवस्थापन खर्च सामान्य मात्र बढेको छ । अघिल्लो वर्ष २५ करोड १२ लाख ९७ हजार व्यवस्थापन खर्च गरेको कम्पनीले गत वर्ष २५ करोड ७३ लाख १३ हजार रुपैयाँ खर्च गरेको छ ।

कम्पनीको भुक्तानी हुन बाँकी दाबी भुक्तानी दुई अर्ब ३१ करोड २२ लाख १३ हजार रुपैयाँ छ । कम्पनीले बिमा कोष, जगेडा कोष र महाविपत्ति कोषमा गरी एक अर्ब ६ करोड तीन लाख ४७ हजार रुपैयाँ जम्मा गरेको छ । कम्पनीको प्रतिसेयर आम्दानी ३२.९३ रुपैयाँ छ ।

प्रकाशित समय ०९:३४ बजे