कामना सेवा विकास बैंकका ग्राहकले पीसीआर परीक्षणमा १५ प्रतिशतको विशेष छुट पाउने भएका छन् । त्यसका लागि कम्पनीले सुरिया हेल्थ केयर प्रालिसँग सहकार्य गरेको छ ।

बैंक र हेल्थ केयरको सहमतिअनुरुप कामना सेवा विकास बैंकका ग्राहकले सुरिया हेल्थ केयरमा पीसीआर परीक्षण गर्दा १५ प्रतिशतको विशेष छुट पाउनेछन् । सहमतिअनुसार ग्राहकले आर्थिक सहुलियतसहित सहज रुपमा कोरोना परीक्षण गरी लाभ लिन सक्ने विश्वास बैंकले लिएको छ ।

विश्वव्यापी महामारीको रुपमा फैलिरहेको कोरोना भाइरसले ल्याएको विषम परिस्थितिलाई मध्यनजर गर्दै बैंकले उक्त सुविधा उपलब्ध गराउने भएको हो ।

प्रकाशित समय २०:५६ बजे