एनआइसी एशिया बैंकले बडादसैं, शुभ दिपावली, नेपाल संवत् एवं छठपर्वलाई उल्लासमय बनाउने उद्देश्यले आफ्ना ग्राहकहरू समक्ष ‘डिजिटल उत्सव’ योजना सार्वजनिक गरेको छ । योजना अनुसार बैंकका ग्राहकहरूले १ कार्तिक देखि ५ मंसिर २०७७ सम्म १९ वटा विभिन्न ब्राण्ड तथा स्टोरहरूमार्फत किनमेल गर्दा डिजिटल भुक्तानी गरी आकर्षक नगद छुट तथा नगद फिर्ता (Cash back) को लाभ लिन सक्नेछन् ।

देशव्यापी कोरोना महामारीका कारण सामाजिक दुरी कायम राख्नुपर्ने आजको टड्कारो आवश्यकतालाई आफ्नो उत्तरदायित्व महसुस गर्दै ल्याइएको यस योजना सहज एवं सुरक्षित हुने बैंकको विश्वास छ । चाडपर्वको कोसेलीस्वरूप ल्याइएको यस योजनाले ग्राहकहरूको समेत डिजिटल कारोबारमा पहुँच पुर्‍याँउदै मुलुकमा नगदरहित कारोबारको विस्तार गर्न थप सघाउ पुग्ने बैंकले अपेक्षा लिएको छ ।

उक्त योजनामा बैंकका मोबाइल बैंकिङ (MoBank) तथा कार्ड (डेबिट/क्रेडिट) प्रयोगकर्ताहरूले डिजिटल भुक्तानी गर्दा १९ वटा विभिन्न ब्राण्ड तथा स्टोरहरूमा निम्न अनुसार ५० प्रतिशतसम्म नगद छुट तथा क्यास ब्याक प्राप्त गर्न सक्ने बैंकले जनाएको छ ।

प्रकाशित समय १४:१८ बजे