प्रभु बैंकले चालू आर्थिक वर्षको तीन महिनामै ८५ करोड १४ हजार रुपैयाँ खुद नाफा आर्जन गरेको छ । यो नाफा गत आवको सोही अवधिको तुलनामा ३५.२५ प्रतिशत बढी हो । गत वर्षको पहिलो त्रैमासमा कम्पनीले ६२ करोड ८४ लाख रुपैयाँ खुद नाफा गरेको थियो ।

समीक्षा अवधिमा बैंकको सञ्चालन नाफा ४०.४९ प्रतिशतले बढेर १ अर्ब २५ करोड रुपैयाँ पुगेको छ । त्यस्तै बैंकको खुद ब्याज आम्दानी १ अर्ब ६९ करोड ३९ लाख रुपैयाँ पुगेको छ । यो गत वर्षको तुलनामा २०.४१ प्रतिशतले बढी हो ।

बैंकको चुक्ता पुँजी १० अर्ब ३१ करोड रुपैयाँ छ भने जगेडा कोषमा ४ अर्ब ३० करोड रुपैयाँ सञ्चित छ । समिक्षा अवधिमा बैंकको निक्षेप संकलन बढेर १ खर्ब ३३ अर्ब रुपैयाँ पुगेको छ र कर्जा प्रवाह १ खर्ब १६ अर्ब नाघेको छ ।

बैंकको प्रतिसेयर आम्दानी पनि बढेर ३२.९६ रुपैयाँ पुगेको छ भने प्रतिसेयर नेटवर्थ १५५.३० रुपैयाँ र मूल्य आम्दानी अनुपात ७.२२ गुणा छ । बैंकको निष्क्रिय कर्जा अनुपात २.६७ प्रतिशतमा झरेको छ । त्यस्तै, आधार दर ७.३९ र स्प्रेड दर ४.३७ प्रतिशतमा झरेको छ ।

प्रकाशित समय २०:४१ बजे