गुराँस लाइफ इन्स्योरेन्सले चालू आर्थिक वर्षको पहिलो त्रैमासमा गत वर्षको सोही अवधिको तुलनामा ११४.६२ प्रतिशत बढी बिमा शुल्क आर्जन गरेको छ । कम्पनीले गत वर्षको तीन महिनामा ४४ करोड ८५ लाख रुपैयाँ खुद बिमाशुल्क आर्जन गरेकोमा चालू वर्षको सोही अवधिमा ९६ करोड २६ लाख रुपैयाँ खुद बिमा शुल्क आर्जन गरेको हो ।

इन्स्योरेन्सको खुद नाफा पनि एक करोड ८ लाखबाट बढेर ४ करोड २७ लाख ७१ हजार रुपैयाँ पुगेको छ । गत वर्षको सोही अवधिमा इन्स्योरेन्सले ३ करोड १९ लाख ४७ हजार रुपैयाँ खुद नाफा गरेको थियो ।

चुक्ता पुँजी एक अर्ब ८७ करोड ७० लाख रुपैयाँ रहेको इन्स्योरेन्सको जगेडा कोषमा ५६ करोड ६२ लाख रूपैयाँ छ । त्यस्तै, जीवन बिमा कोषमा ८ अर्ब ५० करोड ५ लाख र महाविपत्ति कोषमा ४ करोड ९६ लाख रुपैयाँ सञ्चित छ ।

हालसम्म इन्स्योरेन्सले १० अर्ब ९९ करोड ७६ लाख रुपैयाँ कुल बिमा शुल्क आर्जन गरेको छ । इन्स्योरेन्सले ४९९ दाबीबापत १४ करोड ७२ लाख रुपैयाँ भुक्तानी गरेको छ भने १४ वटा दाबीबापत ३४ लाख ३९ हजार रुपैयाँ भुक्तानी गर्न बाँकी छ । इन्स्योरेन्सको वार्षिक प्रतिसेयर आम्दानी ९ रुपैयाँ ११ पैसा छ ।

प्रकाशित समय २०:५४ बजे